O Himno a San Fins

O Himno a San Fins

É outra das achegas de Saturnino Cuíñas á romaría de San Fins. Componse de texto e música de Cuíñas, aínda que os arranxos para banda sexan do director José María Álvarez Canto.

Interprétase despois do Berro Seco. Intervén unha banda de música, un coro e ademais os propios asistentes á romaría. O texto do himno son dúas estrofas do poema "San Fins do Castro" de Saturnino Cuíñas. As coplas son estas:
 

Meu santo San Fins do Castro
¿que lle dás ós teus romeiros?
Auga da túa fontiña,
sombra dos teus bidueiros.

Meu santo San Fins do Castro
ten as culleres na fonte
para beber os romeiros
que veñen verte de lonxe.



A melodía deste himno están tan enraizada no pobo que mesmo os asistentes non só a cantan, senón que mesmo a chegan a asubiar como podemos escoitar nesta gravación. Este documento sonoro foi cedido por Radiovoz Bergantiños para esta web.

Galego