Mensaje de error

  • Notice: Undefined index: in lang_dropdown_form() (line 546 of /home/concello-cabana/www/sites/all/modules/lang_dropdown/lang_dropdown.module).
  • Notice: Undefined property: stdClass::$native in theme_languageicons_icon() (line 113 of /home/concello-cabana/www/sites/all/modules/languageicons/languageicons.module).

Presentación

Concello de Cabana ocupa parte do fondo da ría de Corme e Laxe, dende Ponteceso ata o extremo oriental da praia de Laxe. A estrada comarcal 552, de A Coruña a Fisterra, toca o término municipal no seu extremo sur por A Piolla e Nantón. De aquí parten cara Cabana e

 cara a costa de pintorescas, aínda que accidentadas vías. Máis cómodo, para chegar a Cabana dende a capital da provincia é tomar unha destas dúas opcións : Desviarse en Carballo por Buño e Ponteceso (56 quilómetros desde A Coruña), ou ir ata Baio e de aquí por Borneiro (LC-430) a Cabana (72 quilómetros). Dende Santiago o camiño máis directo é por Santa Comba, Zas e Baio. A distancia é de 55 quilómetros.
Unha estrada moi pintoresca é a que bordea a costa da ría e pasa pola capital municipal. É a LC-430, y LC-431 de Ponteceso a Laxe. Outras pequenas vía, casi todas de percorrido interesante e pintoresco atravesan en varias direccións as terras do municipio. 

Dentro das características xerais das Rías Altas, ao municipio de Cabana correspóndelle a parte máis doce, pola súa posición no fondo da ría, non tendo nada que ver co aspecto rudo e temido da Costa da Morte

Pódese dicir que Cabana, dentro da Terra de Bergantiños á que pertenece, é un balcón sobre a ría de Corme e Laxe, e mira de lonxe a dita Costa da Morte. Pero ademais de ser un municipio costeiro, as terras de Cabana penetran considerablemente cara o interior, uns quince quilómetros hai a voo de paxaro entre as praias de San Pedro e Rebordelo e a aldea de Padrín ao sur do concello. A extensión de Cabana é de 99,8 quilómetros cadrados, cunha poboación total de 4.985 habitantes (censo de 2009), dos cales 2.459 son varóns e 2.526 mulleres.

As principais fontes de riqueza son a pesca, a agricultura e a gandeiría. O solo é rico en minerais como o wolframio, rutilio, granito e pizarra. Hai indicios de explotacións romanas de cuarzo aurífero na parroquia de Corcoesto, que se intentou de novo traballar non hai moito tempo.

O nome do concello foi orixinariamente Cesullas, parroquia onde estaba a aldea de Cabana, capital municipal, antes de pasar a O Bosque. A Casa Consistorial atópase na actualidade na ribeira da ría no lugar de A Carballa. 
O asentamento dunha importante poboación prehistórica está suficientemente probado pola abundancia de castros e mámoas en todo o termo municipal, sobre todo en Dombate e Borneiro.

Os principais atractivos turísticos de Cabana son os que lle proporciona a súa paisaxe costeira, coas solitarias praias de San Pedro e Rebordelo, e a súa paisaxe interior, onde abundan os ríos truiteiros e a caza. 

Dende o punto de vista monumental destaca o Dolmen de Dombate e o castro de Borneiro, Tamén ten detalles interesantes as igrexas de Cánduas, Cesullas e Riobó; ademais da espectacular torre de A Penela, ao sur da parroquia de Silvarredonda.
praia de San Pedro consérvase como hai séculos. 

Entre as populares festas de cada parroquia que se suceden case sen interrupción durante os meses do verán, chama a atención pola súa orixinalidade a de San Fins de Castro, en Cesullas, o día primeiro de agosto. Un dos actos máis típicos desta romaría é a queima dunha figura alegórica dun afiador en medio do campo, que os devotos denominan Santo da Pólvora

A ermida, na que destaca un pequeno rosetón de pedra, que debeu de formar parte dunha construción moito máis antiga, está enclavada nun lugar moi pintoresco, no medio dun bosque de abeneiros onde hai un bonito cruceiro. Nas inmediacións do templo hai unha fonte, á que atribuen poderes para facer desaparecer as verrugas.

Gallego