Dombate

Dombate Antigo

Apareceu debaixo do túmulo do Dombate Recente. Del quedan poucos restos. Só se conservan parte dun dos soportes da cámara. Grazas ós negativos da implantación das lousas da cámara púidose concluír que esta era pequena, alongada, aberta e composta de nove ortostatos reforzados por un lixeiro contraforte. 

A coiraza e a masa tumular presentaban unha forma de funil na abertura da entrada á camara para facilitar o acceso á mesma. Tamén aparaceron as laxes horizontais do círculo peristalítico así como pedra da coiraza que se observan na actualidade nun dos muros testemuña. 

O túmulo primitivo tería unhas medidas de 10,5 m de diámetro e 1,00 m de altura. A cámara estaría formada por nove ortostatos cunha abertura ó Leste cunha entrada en forma de pozo.

 

Dombate Recente

É o monumento máis visible e destaca pola súa monumentalidade. Ofrécese información detallada no resto de apartados.

 

Lenda

A lenda do dolmen de Dombate conta que a tampa da cámara foi transportada á cabeza por un encanto feminino e que este construíu o dolmen mentres palillaba. 

Outra versión conta que os mouros construíron unha trabe de ouro subterránea desde o dolmen de Dombate ata o o Castelo de Borneiro.

Galego